सलीमा : अवधी भासा मा डब कीन फिलिम ‘बाइबिल जीसस’..!

आजु चरचा करब अवधी मा डब कीन फिलिम ‘बाइबिल जीसस’ क्यार! बड़ा दिलचस्प रहा यहि यू-टुबही पीसन का सुनब! काल्हि रातिन मा खोजत-खोजत इन बीडियो पीसन तक पहुंचेन, फिर अपनी भासा क सुनतै खन जिउ जुड़ाय लाग! मन भा कि इन पीसन पै केंद्रित यक पोस्ट बनाय दी! अपनी जिंदगी मा पहिली बार कौनौ फिलिम देखेन जौने मा यहि तिना अवधी बरती गै हुवै! तारीफ करब इन धरम प्रचारकन केरी, कि भले बरास्ते धरम-करम के, कम-से-कम अवधी भासा का ऊ महत्व दिहिन जौन महत्व न तौ हमरे देस कै सलीमा दै सका अहै, अउर न हिन्दी इंटेलीजेंसिया(?)! भला यै लोगै अवधी क भासा तौ मानिन! ई बाति मानिन कि जनता तक जीसू कै सिच्छा पहुँचावै क है तौ जनता कै भासा अवधी पकरै क होये! जेतनी भासन केरी बेकदरी अउर इनका लै के हीनताबोध भारत मा है, वतना बहिरे नाय है!

यहि फिलिम कै अवधी भले कहूँ-कहूँ आदर्स अवधी के तराजू पै खरी न देखाय मुल टोटल मा अवधी क्यार समझ मा आय जाय वाला रूप यहि फिलिम मा देखा जाय सकत है। कहूं-कहूं अवधी ब्याकरन नाय बैठि पावा है, जैसे बहुबचन बनावै मा कुछ जगहन पै हिन्दी कै ब्याकरन चलाय दीन गा है! मुदा ई परयास अपने आपै मा काबिले-तारीफ अहै!

हम नौ पीसन कै लिंक भागन के नाव के साथ रखि दियत अहन, जिनपै किलिक कैके आप लोगै अवधी भासा कै मजा लै सकत हैं। भाग ‘जीरो’ हियाँ रखिउ दियत अहन। यहि सलीमा कै यू-टुबहे भाग यहि तिना हैं:
भाग – जीरो भाग – यकभाग – दुइ भाग – तीन भाग – चारि भाग – पाँचभाग – छह भाग – सात भाग – आठ

अपडेट: ऊपर दीन नौ भाग रहे दुइ साल पहिले, मुला आज प्रकास के. रे. के जरिये पता चला कि अब ई फिलिम यकट्ठा, यक्कै बीडियो मा, देखी जाय सकत है, देखा जाय ई बीडियो:

3 responses to “सलीमा : अवधी भासा मा डब कीन फिलिम ‘बाइबिल जीसस’..!

  1. धर्म प्रचार के लिए ही तो अंग्रेजी राज में बहुतेरे विद्वानों ने भारतीय भाषा और बोलियों में प्रवीणता प्राप्त की थी. चाहे जो हो, उनके प्रयासों से ही कई कोश और भाषा संबंधित ग्रंथादि लिखे गए.

    • अवश्य! आपकी बात पर मुझे फादर कामिल बुल्के का स्मरण हो आया जिन्होंने हिन्दी के लिये किसी अकैडमिक से कम काम नहीं किया, जो स्वयमेव “फादर” थे!

  2. ई कस्तूरी कहाँ ते ढूँढ कइ लायो है…. ? यू-टुबिया फिलम बतावथि कि आपौ यही तना कऊनो जुगाड़ कइ डारो ! फ़िलहाल यही ते मजा लीन जाय !

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s