भूपेंद्र दीक्षित : " जमाना जालिम है "

होली के अवसर पर सीतापुर जाय का मौका लगा तौ अवधी के नाम चीन्ह कवि लोगन से मुलाकात भई. उनहीं मा एक युवा कवि पुरवा दासा पुर जिला-सीतापुर निवासी कवि भूपेंद्र दीक्षित हैं , जिन केर जन्म ३० जून १९६६ मां भवा रहै , उइ आजु काल्हि समाज सेवा औ स्वतंत्र लेखन मां व्यस्त रहत हैं, इनकेर अवधी काव्य संग्रह “दुइ पात” अबहीं प्रेस मां है , यहि के अलावा भूपेंद्र जी केर निरी रचनाएँ पत्र पत्रिकन मां छपती रहती हैं. इनकेर समसामयिक कविता हिंदी औ अवधी दोनौं मां सुनै का मिलति हैं, एक बानगी देखै…

जमाना जालिम है

है जबर्दस्त सरकार , जमाना जालिम है .
शासन करैं हैलीकाप्टर औ कार, जमाना जालिम है.

हर चौराहे पर लगे मुखौटा,
दीन दुखिन का कोऊ न साथी ,
का करैं आपन सिक्का खोटा ,
लात चलावैं घोड़ा- हाथी ,
लुच्चे लफंगे बनिगे सब ,
जनता के पहिरेदार , जमाना जालिम है ..

गाँवन का है बुरा हाल ,
कोऊ न उनका पुरसा हाल.
जेबैं भरैं , भरैं घर कोठी ,
जनता कै कौन उठावैं सवाल .
छूंछे खम्भा ठाढ़ ,
ना बिजली ना है तार, जमाना जालिम है .

भ्रष्टाचारिन का है बोलबाला ,
ईमान-धरम का है मुँह है काला .
वर्दी वाले गुंडा घूमैं ,
आम आदमी के घर पर ताला .
अपराधी छुट्टा घूमैं.
अपराध करत चहुँवार , जमाना जालिम है .

सत्य अहिंसा पर जो चलिहैं
वाहिका घर फूंका जाई ,
बात न्याय की जो करिहे ,
जेल मां ऊ ठूंसा जाई ,
गर- बिटवन की इज्ज़त ,
तौ रोजै होय तार – तार , जमाना जालिम है .

– भूपेंद्र दीक्षित
१६९, प्रतिभा निवास , सीतापुर , (उ.प्र.)

 

नोट : यहि पोस्ट क ज्योत्स्ना पांडेय जी पोस्ट किहे रहीं, मुला ब्लागर से वर्डप्रेस पै लावै म तकनीकी वजह से पोस्टेड बाई म उनकै नाव नाहीं आय सका, ब्लागर वाले ब्लाग पै अहै, यहिबरे ई नोट लिखत अहन! सादर; अमरेन्द्र ..

3 responses to “भूपेंद्र दीक्षित : " जमाना जालिम है "

  1. जोत्सना जी ,
    भूपेन्द्र जी की कविता लगावै के लिए आपका बधाई ,
    सीधी-सीधी मगर खरी बात कहिन हैं भईया भूपेंदर ,
    अउर आज-कल की सही तस्वीर उतारिन है !
    तौ इनहूका बधाई !

  2. @ईमान-धरम का है मुँह है काला .
    — एक ”है” हटि जाये पै ज्यादा सही होये सायद !

    पहिली बार भूपेन्द्र जी की कविता से परिचित भयेन, अच्छा लाग कि लोगै लोक भासा मा काब्य रचब जारी रखे अहैं।

    आपौ का आभार !!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s